到今天，設計認字卡一年多，已設計接近200個字，一直伴隨CC學習中文字，由K2被老師請媽咪好好同佢溫習，因為佢認字勁差的程度，去到K3老師表示其識字量超出同齡平均水平，進步之大確是運用這一套自己製的字卡作為“助燃劑”。嘗試整理一下如何執行應用這些圖卡，令到效果最大化。
🎯 4大心法＋免費資源
1. 心態革命：越迫越避，不如開心玩住學
🚨失敗案例：藥石亂投買教材，爬文搵練習，結果「越催越抗拒」
💡成功轉變：
❤️參考咗內地「直映認字」方法設計「好玩中文認字卡」
🌟把字卡變成「講故事估字」遊戲
📢「估下呢個似咩字？睇下牛牛頂住支奶好搞
笑～」
🌟容易估嘅字，小朋友好易憑圖估到
🌟但即使比較深難估嘅字更加激發小朋友發掘，過程中留意到字嘅結構
關鍵句：「我哋一齊睇下依個字仲有咩特別，再估下！」
✅從不同特徵入手等小朋友易明易入腦
➡️依隻係「牛」佢頭頂有咩架？有支牛奶呀！
➡️望下個字，佢都有依支牛奶架（牛字穿頭嗰部份）
➡️所以依個係「牛」字
➡️仲要睇下佢耳仔係有頂帽掛住架。
➡️我哋望下個字，係喎都有頂「帽」架啵（一撇）
❤️以上操作可以引導小朋友加深認識字型結構
2. 選字智慧：圖像＞筆劃
🚨傳統教法：以筆劃少教先，但筆劃少嘅字好多都係小朋友未必明白嘅概念，就好比以前「上大人，孔乙己」
🌟有小朋友常見認識嘅概念開始，例如食物，糖，蛋，奶；動物類，豬，狗，貓，羊等
❤️小朋友睇得明圖片，就會再被圖片的仿字結構刺激，就更易記得個字。
- ，🉐免費資源（待更新）
家長可跟NOTES 來教呀!
3. 故事魔法：唔怕荒謬離奇，最緊要搞笑易記
變奏法
➡️隻乳牛行行下，你估支奶會唔會跌？（會跌啦）
➡️跌咗支奶隻牛會變身架！你知唔知會變做咩呢？
（超人？怪獸....）
➡️會變咗做午餐肉呀！！
🤣因為牛無咗頂頭穿頂部分就係「午餐肉」個「午」
➡️咁如果依隻牛係女仔，佢會著咩（裙囉）
➡️邀請小孩幫牛牛畫條裙
➡️咁佢變咗個「朱」字（指示留意部件）
4. 部件拆解：未來自學力
💡「找共通點」：從「媽」「妹」「姐」發現「女字旁」
💡「拼字LEGO」：用「日」「月」拼「明」
❤️1-3過程看似過程緩慢，但只要小朋友有興趣同學識留意部件，進度就會越學快，更容易自學。
All Rights Reserved by HappyKidEdu.
#英文工作紙 #免費下載 #HappyKidEdu
留言
發佈留言